Ettertrakta kunnskap med djup forankring
Utdanninga Fartøyvern dekker fagområde innan verftsindustri og musealt arbeid der historiske fartøy av tre og stål blir restaurerte, vedlikehaldne og forvalta som flytande kulturminne. Fagområdet er teoretisk og praktisk forankra i dei maritime handverksfaga slik dei har vakse fram innan skipstømring og fartøybygging, med tradisjonar heilt tilbake til vikingtida og framover, til nye materiale og produksjonsmetodar tok over frå 1950-talet. Pedagogisk blir det lagt vekt på læring gjennom praktisk arbeid, praksisbasert teori og handverksteori. Opplæringa spenner frå grunnleggande til meir komplekse arbeidsoperasjonar innanfor feltet, og sentralt i fagplanen er at studentane gjennomgår ein byggeprosess, det vil seie at dei bygger eit nytt fartøy frå grunnen av.
Kompetanse og jobbmoglegheiter
Utdanninga er retta mot personar med kompetanse innan trebåtbyggjarfaget, møbelsnekkarfaget, tredreiarfaget, treskjerarfaget, tømrarfaget og trevare- og bygginnreiingsfaget. Ho vil òg vere relevant for personar med kompetanse innan smedfaget, komposittbåtbyggjarfaget, platearbeidarfaget, modellbyggjarfaget og ulike mekanikarfag.
Studiet er tilrettelagt slik at ulike fagområde kan tilpasse oppgåveløysing og prosjektarbeid til eige fagfelt innanfor rammene av læringsutbytebeskrivingane i studieplanen. Dette understøttar viktigheita av tverrfaglegheit innan fartøyvern, med mål om å utdanne godt kvalifiserte handverkarar til restaurering av fartøy og båtar. Utdanninga vil òg bidra til å byggje vidare på grunnlaget for fartøyvern som eige fag.
Fartøyvern 1 innheld dei siste emna i fagskulegraden Fartøyvern, som du får om du også tar Fartøyvern 2. Fagskulegraden kvalifiserer til å utføre og leie arbeid som omfattar tilstandsbeskrivingar, planlegging og gjennomføring av restaurerings- og byggeoppdrag i privat og offentleg regi, innan verftsindustri, nasjonale fartøyvernsenter og andre båtbyggjeri.
Oppbygging og arbeidsmåtar
Fartøyvern 1 innheld dei to første emna i fagskulegraden Fartøyvern. Saman med Fartøyvern 2 får du ein heil grad.
Fartøyvern 1 inneheld:
- Emne A Introduksjon til Fartøybygging
Emne B Restaureringsfagleg praksis 1
Fartøyvern 1 og 2 er Industrifagskule og har ikkje studieavgift.
Studiet er nett- og samlingsbasert og går på deltid over eitt år, fordelt på to semester. Kvart semester gir 15 studiepoeng, til saman 30.
Det blir lagt opp til tre obligatoriske vekesamlingar per semester, til saman 12.
Hovudstudiestaden for utdanninga er studiestad Nordnes. Det vil bli halde samlingar ved Hardanger og Voss museum, avd. Hardanger Fartøyvernsenter i Norheimsund.
Opptak
Du kan søke studieplass på grunnlag av fullført og bestått vidaregåande opplæring med relevant fagbrev i
- trebåtbyggarfaget
- møbelsnikkarfaget
- tredreiarfaget
- treskjerarfaget
- tømrarfaget
- trevare- og bygginnreiingsfaget
- smedfaget
- komposittbåtbyggarfaget
- platearbeidarfaget
- modellbyggarfaget
- ulike mekanikarfag
- realkompetanse
Realkompetanse
Manglar du fagbrev, men har fyllt 23 år og har relevant erfaring, då kan du søke om opptak med realkompetanse.
Realkompetanse er all den relevante kompetansen du har skaffa deg gjennom utdanning, praktisk yrkeserfaring og deltaking i organisasjonar og liknande.
Bli student
Spørsmål?
Servicetorget har telefontid mellom kl. 10:00 og 14:00 på kvardagar.
Tlf.: 55 33 78 00
Epost: fagskulenvestland@vlfk.no