Bygningssakkyndig
Med denne utdanninga kan du som bygningssakkunnig utarbeide tilstandsanalysar i samsvar med avhendingslova for bustad, byggverk og eigedom.
- Varigheit:
- 3 år
- Utdanningsform:
- Deltid, nettbasert
- Studiepoeng:
- 120, Høgare fagskulegrad
- Søknadsfrist:
- Neste oppstart:
- Haust 2025
- Studieplan:
- Studiestad:
- Førde
Bli takstingeniør!
Utdanninga er utvikla og tilbydd i samarbeid med Norges Eiendomsakademi (NEAK). Etter fullført studie har du kompetanse til å utarbeide tilstandsanalysar for bustad, byggverk og eigedom. Du er også kvalifisert til medlemskap og sertifisering i Norsk takst. Det første året får du ei grunnleggande innføring i bygningsfysikk, teikning og mekanikk. I fordjupningsdelen andre og tredje året blir det undervist i tilstandsanalysar, bygningsfysikk, geofag og bygningsskade.
Utdanninga passar for deg som har gått bygglinje på vidaregåande (tidlegare yrkesskulen), eller som har arbeidd innanfor byggfag og som ønsker formell kompetanse/takstmannutdanning. Den passar òg for deg som er bygningsingeniør og ønsker takstmannutdanning.
Fagskuleingeniørar med fullført og bestått studium som bygningssakkunnig vil kvalifisere til medlemskap og sertifisering i Norsk takst.
Oppbygging og arbeidsmåtar
Studiet gir 120 studiepoeng, noko som svarar til ei to-årig heiltidsutdanning. Studiet er nettbasert over tre år.
Studiet er nettbasert med samlingar på nett. Undervisninga på samlingane er på dagtid frå morgon til ettermiddag.
Gjennomføringsmodell for samlingane er slik for kvart studieår:
- Tre nettsamlingar med fire undervisningsdagar per samling. Åtte timar undervisning per dag.
- Seks nettsamlingar med to undervisningsdagar per samling. Sju timar undervisning per dag.
Studiet er basert på digitale samlingar, innleveringsoppgåver, prøvar/testar ved hjelp av digitale dataverktøy. Det er spesifiserte arbeidskrav i alle emne som må oppfyllast i samsvar med studieplanen.
Opptak
Du kan søke studieplass på grunnlag av
- fullført og bestått vidaregåande opplæring med relevant fagbrev i
- tømrarfaget
- byggdriftarfaget
- betongfaget
- murarfaget
- røyrleggarfaget
- tak- og membrantekkarfaget
- ventilasjons- og blekkslagarfaget
Realkompetanse
Manglar du fagbrev, men har fyllt 23 år og har relevant erfaring, då kan du søke om opptak med realkompetanse.
Realkompetanse er all den kompetansen du har skaffa deg gjennom utdanning, praktisk yrkeserfaring og deltaking i organisasjonar og liknande.
Det er viktig at du sender med dokumentasjon på relevant praksis og erfaring.
Krav til maskinvare
|
Operativsystem |
Windows 10/11 |
|
Prosessorserie |
Intel i5 Gen8 eller AMD Ryzen 5 Gen2 eller bedre |
|
Grafikkort |
- |
|
Minne (RAM) |
8GB eller meir |
|
Lagringsplass (SSD) |
128GB eller meir |
|
Skjerm |
FullHD 13” eller større |
Bli student
Spørsmål?
Servicetorget har telefontid mellom kl. 10:00 og 14:00 på kvardagar.
Tlf.: 55 33 78 00
Epost: fagskulenvestland@vlfk.no