Kombinasjonen av ny teknologi, nye marknadar og nye organisasjonsformer, med nye roller og fleksibel bruk av personell, vil krevje påfyll av kompetanse hos bedriftene.
Utdanningsform: Nettbasert med samlingar, deltid
Studiepoeng: 10
Varigheit: 22. mai – 22. januar
Søknadsfrist: 13. mai
Leverandørindustrien i Vestland er i omstilling. Det er ei omfattande utvikling og implementering av ny teknologi, særleg nye digitale løysningar. I den videre utviklinga av bedriftene vil auka automatisering og robotisering vere sentralt. Samtidig blir det einsidige fokuset på offshoremarknaden utfordra, og målet for mange av bedriftene er no å etablere seg i framtidsretta og berekraftige marknadar.
Kombinasjonen av ny teknologi, nye marknadar og nye organisasjonsformer, med nye roller og fleksibel bruk av personell, vil krevje påfyll av kompetanse hos bedriftene. Korte fagskuleutdanningar som denne vil vere eit viktig bidrag til å gje fagarbeidarane både djupne- og breiddekompetanse til å fylle rollene i leverandørindustrien sin framtidige produksjon.
Prosjektplanlegging for leverandørindustrien gir studenten auka forståing for tverrfagleg samhandling i industrien. Prosjekteringsforståing og forskjellige planleggingsmetodar skal gje studenten grunnlag for å forstå planlegging innan prosjektrammer og metode for ferdigstilling av prosjekt.
Kunnskap
I dette studiet skal studentane tileigne seg:
- kjennskap til ulike prosjektplanleggingsmetodar
- innsikt i planlegging og gjennomføring av eit prosjekt (samhandling)
- innsikt i kommunikasjonsplan og ulike informasjonsmodellar
- innsikt i relevant regelverk for HMS-arbeid og avviksrutinar som er relevante for leverandørindustrien
- kunnskap om kva risikovurdering og sikker jobbanalyse inneber
- kunnskap om dokumentasjon og prosjektrapportar
- kunnskap om kravspesifikasjon og terminologi innan aktuell bransje
- kunnskap om samansetting og karaktertrekk ved ulike roller i eit prosjekt
Oppbygging og arbeidsmåtar
Programmet er på 10 studiepoeng, og går over ca. 8 månader. Kurset er nettbasert med samlingar. Undervisninga føregår på ettermiddag mellom 16 og 19 og er fordelt på totalt 10 samlingar.
I tillegg til undervisning er det lagt opp til læring gjennom sjølvstudium, sjølvstendig arbeid, kommunikasjon, samarbeid og praktisk yrkesutøving.
Lærarstyrt undervisning og førelesningar, oppgåver, og prosjektcase vil vere dei viktigaste undervisningsformene i utdanninga.
Opptak:
Du kan søke studieplass dersom du enten
- har fullført og bestått vidaregåande opplæring med relevant fagbrev i:
- boreopetarørfaget
- brønnfaget
- aluminiumskonstruksjonsfaget
- CNC-maskineringsfaget
- industriell overflatebehandling
- industrimekanikarfaget
- industrimontørfaget
- industrioppmålingsfaget
- NDT-kontrollørfaget
- platearbeidarfaget
- produksjonsteknikkfaget
- støyperifaget
- sveisefaget
- verktøymakarfaget
- produksjonsteknikkfaget
- materialadministrasjon
- elektrikarfaget
- stillasbyggarfaget
- røyrleggarfaget
- industrimålarfaget
- målarfaget
- isolatørfaget
- eller har realkompetanse
Realkompetanse
Dersom du ikkje har relevant fagbrev kan du søkje på grunnlag av realkompetanse. Då vil vi gjere ei individuell vurdering på om du kvalifiserer for opptak basert på relevant arbeidserfaring og praksis. Om du søkjer på realkompetanse må du i søknadsskjemaet legge ved gyldig dokumetasjon på arbeidserfaringa di. Les meir om opptak, realkompetanse eller utanlandsk utdanning her
NB! Dette studiet kan byggast på med ytterlegare 10 studiepoeng ved å ta Prosjektplanlegging for leverandørindustrien 2. Dette studet vil ha oppstart til hausten. Nærare informasjon om dette kjem.