På studiestad Nordnes i Bergen finn du hovudadministrasjonen til Fagskulen Vestland. Ved denne studiestaden disponerer vi store og trivelige lokaler, og fleire høgteknologiske laboratorium.
Velkomstveka 2024
I samarbeid med Sammen og Utdanning i Bergen, har vi ved studiestart gleda av å tilby ei aktiv, og sosial veke der de får anledning til å bli kjende med kvarandre, studiestaden og studentbyen Bergen. Denne veka er pakka med kjekke aktivitetar, og de vil verte losa gjennom programmet av erfarne studentfadrar. Veka avsluttast med velkomstkonsert på Koengen med artistane Dagny, Tyr og Adrian Sellevold.
Velkomstveka tek til 12. august, oppmøte er i Festsalen på studiestad Nordnes i Haugeveien 28. Studentane vert inndelt i grupper og får tildelt fadder.
Alle ferske studentar ved Fagskulen kan delta på Velkomstveka, uavhengig av kva for ein av studiestadane våre du er student ved.
For påmelding, følg denne lenka.
Detaljert informasjon om program sendast på epost til alle påmelde i slutten av juli.
Spørsmål om velkomstveka kan rettast til studentkoordinator Tom Alexander Østensen på e-post: tom.alexander.ostensen@vlfk.no
Utdanningar ved studiestad Nordnes:
- Automatisering med robotteknologi
- Bygg
- Elkraft
- Klassisk bygningshåndverk og restaurering
- Klima, energi og miljø i bygg (KEM)
- Maskinteknikk
- Prosessteknikk
- Psykisk helsearbeid og rusarbeid
- Rehabilitering, kvardagsmeistring og velferdsteknologi
- Demensomsorg og psykisk helsearbeid til eldre
- Sterilforsyning og smittevern i helsetenesta
Om studiestaden
Bergen er ein by med lange tradisjonar innan høgare utdanning, og kan skilte med eit godt og variert studiemiljø med eit breitt utval av studentaktivitetar og fasilitetar. Nesten uansett kva du er interessert i, vil du kunne finne ein studentorganisasjon som driv med det same. I Bergen finn du eit yrande kulturliv, og byliv. Er du meir interessert i friluftsliv? Fortvil ikkje, - byen har mange turmogelegheiter.
Studentsamskipnaden Sammen (Saman i Sogn og Fjordane) har fleire aktuelle velferdstilbod ein kan nytte seg av. I Bergen finn du heile 21 kafear og kaffebarer som tilbyr studentprisar via Sammen.
Nyttige lenker:
Besøksadresse:
Haugeveien 28, 5005 Bergen