Måløy

I Måløy tilbyr Fagskulen Vestland maritime og marine utdanningar. Vi er samlokalisert med Måløy vidaregåande skule, og Sikkerheitssenteret i Måløy. Samlokaliseringa sikrar at vi kan tilby eit sterkt fagleg miljø, med mykje maritim og marin kompetanse samla på ein stad.

Ny student og studiestart

Studiestart 2024:

Oppstart er måndag 19. august klokka 10:00. Oppmøte i auditoriet.

Det blir eit sosialt opplegg ein av dei første dagane ved studiestart, - de får fleire detaljer om dette ved oppstart.

Utdanningar ved studiestad Måløy

Om studiestaden

Kystbyen Måløy ligg i Kinn kommune, i Nordfjord, nord i Vestland fylke.

Måløy har eit stort, variert og kompetent næringsliv. Her er mange eksportbedrifter og ein mangfaldig industri. Fleire fiskerirelaterte bedrifter og skipsverft i området har gått saman og danna Måløy Maritime Group. Mange unge innovatørar og gründerar har starta bedrifter innan ny teknologi i området. Det satsast også på grønn energi og landbasert oppdrett.

Naturen rundt byr på mange flotte opplevingar. Det er kort avstand til surfemiljøet i Ervik og Hoddevik. Ein kan også ta turen innover Nordfjorden, der finn vi bl.a. Sagastad, Hoven Skylift og fleire skianlegg. Dei som er glad i å bade kan ta turen til Noregs vakraste sandstrand Refviksanden.

Måløy har daglege anløp av Hurtigruta. Det går ekspressbuss til Oslo og ekspressbåt til Bergen fleire ganger om dagen. Til næraste flyplass brukar ein ca. 90 minutt.

Her kan du lese meir om noko av det som skjer i og rundt Måløy:

http://opplevmaloy.no/
https://www.maloyvekst.no/