Førde

I Førde tilbyr Fagskulen Vestland tekniske, grøne og gastronomiske utdanningar. I Skaparhuset på Øyrane har vi nye lokaler og labfasilitetar med topp moderne utstyr.

Ny student og studiestart

Studiestart hausten 2024:

Du finn oversikt over samlingar i menyen under fana "for studentar". Oppmøtetidspunkt er kl. 09:00 både måndag 19. og måndag 26. august. De møter opp på Campus Verftet som ligg i 3. etasje i Skaparhuset ytterst på Øyrane. Når du kjem inn via hovudinngangen finn du Campus Verftet heilt i enden av gangen.

Når du kjem på første samlinga inviterer vi til "bli kjend" kveld måndag, på aktivitetstpuben Verftet som ligg i 2. etasje i same byggget som Fagskulen held til. Vi håpar mange nyttar anledninga til å mingle, og å bli kjend med kvarandre. Vi byr på quiz og ymse aktivitetar der ein kan få utløp for konkurranseinstinktet og testa dei små grå.

Utdanningar ved studiestad Førde:

Om studiestaden

I Førde finn du eit godt organisert studentmiljø via studentsamskipnaden Saman, og mange spennande fritidsaktivitetar, som gokart, bowling, kajakk, sykkel, paragliding, klatring, judo, symjing, vektløfting, div.treningsstudio, fotball, handball, sandvolleyball, volleyball, friidrett, skisport, paragliding m.m. Av kulturtilbod kan vi nemne kino, bibliotek med meirope og teater. Byen har og flyklubb og veteranbilklubb.

Fagskulen finn du i 3. etasje i Skaparhuset, som ligg ytterst på Øyrane (Øyrane 12). Vi er samlokalisert med Campus Verftet, som er eit samarbeid mellom Høgskulen på Vestlandet, Fagskulen Vestland, og fleire lokale næringsaktørar i omegn.

I 1. etasje i Skaparhuset finn ein Sunnfjordparken, vestlandets største trampoline og leikeland. Ein etasje opp kan ein finne aktivitetspuben Verftet. Studentane våre kan nytte seg av rabatterte prisar i Sunnfjordparken, der ein og kan få kjøpt seg ein matbit.