1518 søkarar har Fagskulen Vestland som førsteprioritet i årets hovudopptak gjennom Samordna opptak. Dette er ein auke på 13,7 prosent frå hovudopptaket i 2023.
– Dette viser at Fagskulen Vestland løyser oppdraget sitt: Vi tilbyr utdanningar som arbeidslivet i Vestland har stort behov for, seier rektor Torbjørn Mjelstad.
Automatisering, elkraft og dei maritime utdanningane har særleg god søknad med flest studentar totalt. Utdanningane med størst vekst er:
Utdanning |
Prosentvis auke |
Dekksoffiser, Måløy |
220 % |
Lokal matkultur, Hjeltnes |
125 % |
Boring, Nygård |
117 % |
Automatisering, Førde |
100 % |
Psykisk helse- og rusarbeid, Nordnes |
61 % |
Automatisering, Nordnes |
56 % |
Maskinteknikk, Førde |
50 % |
Maskinoffiser, Nordnes |
46 % |
Anlegg, Førde |
41 % |
BIM - teknikar, Førde |
36 % |
Maskinteknikk, Nordnes |
24 % |
Maskinoffiser, Måløy |
23 % |
Utviklar utdanningstilbodet
Fagskulen Vestland har følgt opp prioriteringa frå Direktoratet for høgare utdanning og kompetanse (HK-dir) og utvikla nye utdanningar innanfor helse- og velferdsfag og det grøne skiftet. Neste år blir det starta to nyvinningar:
- Demensomsorg og psykisk helsearbeid til eldre (Nordnes
- Grøn omstilling i byggebransjen (Førde)
Begge blir, i samsvar med fagskulen sin strategi, tilbydd som nett- og samlingsbaserte utdanningar for å nå studentar i heile Vestland.
– Ved Fagskulen Vestland er vi raske til å svare på behova som arbeidslivet melder frå om. No ser vi fram til å svare ut eit auka behov for etter- og vidareutdanning som resultat av årets lønnsoppgjer i frontfaga, seier Mjelstad.
Kontaktinformasjon:
Torbjørn Mjelstad, rektor
Telefon: 97142081
Oddmund Klakegg, styreleiar
Telefon: 99202661