Søk med yrkesfagleg vidaregåande utdanning

1. Finn ut om du har relevant fagbrev eller vitnemål for utdanninga du vil søke på.
2. Finn utdanninga du vil søke på i søknadsportalen til Samordna opptak.
3. Vel Norsk vidaregåande skule som utdanningsbakgrunn og send inn søknaden.
4. Etter du har sendt inn søknaden, skal du laste opp relevant dokumentasjon inne i portalen til Samordna opptak.

Du skal laste opp:

Alle relevante fagbrev/sveinebrev

Vitnemål/kompetansebevis

Attest/bevis på at du fyller eventuelle tilleggskrav

Du kan få tilleggspoeng dersom du lastar opp attest på relevant yrkespraksis utover opptakskravet, dersom du har fleire relevante fag- eller sveinebrev, eller dersom du har fått «Meget godt bestått».

Les meir om berekning av poeng hos Samordna opptak

Skal du opp til fagprøve/sveineprøve etter søknadsfristen? Du kan få opptak på vilkår om bestått fag- eller sveineprøven i løpet av første semester etter opptak.

For å søke opptak på vilkår om bestått fag- eller sveineprøve, må du bestå prøven i løpet av første semester etter opptak. Det vil seie før jul det året du får opptak til fagskuleutdanning.

1. Søk på same måte som om du har bestått fag- eller sveineprøva.
2. Har du sein oppmelding til fag- eller sveineprøve, må du laste opp ein kopi av lærekontrakten din. Er du allereie meldt opp, lastar du opp stadfesting på dette.
3. Etter du har bestått fag- eller sveineprøven, må du levere dokumentasjon på dette til Fagskulen Vestland. Du er sjølv ansvarleg for å sende dokumentasjon til fagskulenvestland@vlfk.no innan fristen for å behalde studieplassen.

Hugs at vitnemål, andre relevante fagbrev og yrkeserfaring kan gje ekstra poeng.