Søk med utdanning frå utlandet
Har du bestått og fullført relevant vidaregåande opplæring i utlandet, kan du vere kvalifisert til å søke opptak til fagskule i Norge.
Søkarar med utdanning frå land utanfor Norden, kan søke med relevant dokumentasjon som er (a) godkjent av Direktoratet for høgare utdanning og kompetanse, eller (b) omsett til norsk av autorisert omsettar (translatør).
Krav til kompetanse i norsk
- Dersom utdanninga er frå eit nordisk land, kan du søke utan å dokumentere kompetanse i norsk.
- Dersom utdanninga er frå eit ikkje-nordisk land, og undervisinga skjer på norsk, må du dokumentere kompetanse i norsk på ein av følgande måtar:
- Bestått norsk med 393 timar frå vidaregåande opplæring.
- Bestått eksamen frå trinn 3 i norsk for utanlandske studentar ved universiteta.
- Bestått eksamen frå 1-årig utdanning i norsk språk og samfunnskunnskap for utanlandske studentar.
- Bestått Bergenstest.
- Bestått norskprøve på nivå B2 (avansert) i alle dei fire delprøvene.
Spørsmål?
Servicetorget har telefontid mellom kl. 10:00 og 14:00 på kvardagar.
Tlf.: 55 33 78 00
Epost: fagskulenvestland@vlfk.no